काठमाडौं । भारत सरकारले नेपालका दुई जलविद्युत आयोजनाबाट उत्पादन भएको ८० मेगावाट विद्युत् खरिदका लागि सहमति प्रदान गरेको छ । यस अघि अनुमति प्राप्त १०१०.९ मेगावाट विद्युत् निर्यात भइरहेको थियो ।
भने, अब थपिएको ८० मेगावाट विद्युत् निर्यात थपिएपछि १ हजार ९०.९ मेगावाट विद्युत् भारत निर्यात हुने बाटो खुलेको छ । नेपालले बङ्गलादेशमा पनि विद्युत् निर्यात गर्दै आइरहेको छ । भारतको बाटो हुँदै ४० मेगावाट विद्युत् निर्यात गर्ने गरेको छ ।
नेपालले भारत र बङ्गलादेशलाई गरेर कूल निर्यात स्वीकृति ११३०।९ मेगावाट पुगेको छ । पछिल्लो पटक साउन २६ गते भारत सरकारले २०० मेगावाटको लागि अनुमति प्रदान थियो ।
बुधबार थप ८० मेगावाटको लागि अनुमति प्रदान गरेको हो । वाइल्याटरल सम्झौता अन्तर्गत मध्यम अवधिका लागि प्राप्त अनुमति २१ अगस्ट २०२५ देखि ३१ अक्टोबर २०२६ सम्मको लागि हो । भने यो अनुमति मेवा खोला ४८.५ र करुवा सेती हाइड्रो पावर ३१.०४ मेगावाटको लागि हो ।
