काठमाडौं । कीर्तिपुर नगरपालिकाको वडा नम्बर १ र ४ को वडाध्यक्षमा कांग्रेस उम्मेदवार विजयी भएका छन् । कीर्तिपुर नगरपालिका–१ को वडाध्यक्षमा कांग्रेसका इच्छा कुमार महर्जन विजयी भएका छन् । ५ सय ६२ मतसहित उनी विजयी भएका हुन् ।
नेकपा एमालेका हर्ष महर्जनले ४ सय ९८ मत प्राप्त गरेका थिए । माओवादी केन्द्रका सरल गोपाल महर्जनले १ सय ७३ मत मात्रै प्राप्त गरेका छन् । २०७९ को निर्वाचनमा यस वडामा नेपाली कांग्रेसले जितेको थियो ।
त्यस्तै, वडा नं.४ मा कांग्रेसका राजेन्द्र बानियाँले ११५५ मत ल्याएर जित हासिल गरेका हुन् । यसअघि सो वडामा स्वतन्त्र उम्मेदवारले जित हासिल गरेका थिए । २०७९ मा यस वडाबाट १३८० भोट ल्याएर स्वतन्त्र उम्मेदवार श्यामकुमार अधिकारी निर्वाचित भएका थिए । उनै श्यामकुमारसँग पराजित बानियाँ उपचुनावमा विजयी भएका हुन् ।
