काठमाडौँ, जनता समाजबादी पार्टी (जसपा) विभाजन भएसँगै केन्द्रीय राजनीतिमा सत्ता फेरबदलको विषय उठ्न थालेको छ । जसपाका अर्का नेता अशोक राईको नेतृत्वमा उनि सहित केहि नेताहरुले पार्टी पुटाएर निर्वाचन आयोगमा दर्ता गरेपछि एक्लीएका अध्यक्ष उपेन्द्र यादवले आज सत्ता छोडेका छन् । उपप्रधान एवं स्वास्थ्य तथा जनसङ्ख्या मन्त्री रहेका उपेन्द्र यादवले पदबाट राजीनामा दिएका हुन । जनता समाजवादी पार्टी (जसपा) नेपालका अध्यक्ष समेत रहेका यादवले आज बिहान प्रधानमन्त्री पुष्पकमल दाहाललाई भेटि राजीनामा बुझाएका हुन ।
“आज बिहान प्रधानमन्त्री दाहालसमक्ष राजीनामा बुझाएको छु, वर्तमान विकसित राजनीतिक परिस्थितिमा सरकारमै रहेर सहकार्यलाई निरन्तरता दिन नसकिने भएकाले जिम्मेवारीबाट राजीनामा दिन चाहन्छु”, उनले भने । आजका दिनसम्म सरकारमा रहेर सहकार्य गर्ने अवसर दिएकोमा प्रधानमन्त्रीलाई धन्यवाद समेत दिएका छन् । त्यस्तै, स्वास्थ्य तथा जनसङ्ख्या राज्यमन्त्री दीपक कार्कीले पनि आजै पदबाट राजीनामा र्दिएका छन् । जसपा राजनीतिक समिति सदस्य समेत रहेका उनले आजै राजीनामा बुझाएका हुन ।
