काठमाडौं । नेपाल—चीन सीमाना तिब्बत दिंगे कान्टीलाई केन्द्रबिन्दु बनाएर आज बिहान भएको भूकम्पका कारण नेपालमा ठुलो धक्का महशुष गरिएको छ । खानी तथा भूगर्भ विभागका अनुसार उक्त क्षेत्रमा ७ म्याग्निच्युडको भूकम्प गएको हो ।
बिहान ६ बजेर ५० मिनेटमा भूकम्प गएको विभागले जनाएको छ । त्यसले नेपालका प्रायः ठाउँमा धक्का महशुष भएको थियो । तिब्बत क्षेत्रका साथै नेपालको पूर्वदेखि मध्य क्षेत्रमा ठूलो धक्का महशुष भएको छ । बिहानै काठमाडौं तथा आसपास क्षेत्रका मानिसहरु बाहिर निस्कीएका थिए ।
