काठमाडौं । ६ किलो कोकिनसहित एकजना विदेशी नागरिक पक्राउ परेका छन् । विमानस्थलबाट प्रहरीले ६ किलो कोकिनसहित लातभिया घर भएका ५१ वर्षीय इभार्स भाल्टर्सलाई पक्राउ गरेको हो ।
उनी दोहाबाट कतार एयरवेजको उडा नम्बर क्यूआर ६४४ मार्फत बुधवार बिहान १ बजे काठमाडौँ ओर्लिएका हुन् । लागुऔषध नियन्त्रण ब्यूरोले उनीविरुद्ध अनुसन्धान सुरु गरेको बताए ।
पक्राउ पर्नेको थप विवरण भने ब्यूरोले सार्वजनिक गरेको छैन । घटनाबारे आज बिहीबार पत्रकार सम्मलेन गरेर जानकारी दिइने ब्यूरोले जनाएको छ ।
